Ողջույն, Ես Արփինե Մելիքյանն եմ։ Հիմնական մասնագիտությամբ անգլերեն և իտալերեն լեզուների ուսուցիչ եմ, մասնավոր դասեր եմ անցկացնում երեխաների և մեծահասակների հետ։ Arpineh Melikyan

            Մարդու էության հետ կապված հարցերիս փնտրտուքներում հանդիպեցի Էվռիթմիայի հետ և վերջին 4 տարում խորությամբ ուսումնասիրում եմ անտրոպոսոֆիա, ինչպես նաև գործնական և տեսական էվռիթմիա։

            Eurythmy4you էվռիթմիական օնլայն հարթակին միացա մոտ 3 տարի առաջ՝ նախ որպես ուսանող, հետո որպես կամավոր֊օգնական և այժմ արդեն հանդիսանում եմ Eurythmy4you֊ի ABSR դասընթացի սերտիֆիկացված դասընթացավար։

            Սթրեսերի հաղթահարման ABSR դասընթացն անցել եմ 2 անգամ անգլերենով և ռուսերենով։ Յուրաքանչյուր անգամ ինքնադիտարկման, ինքնատիրապետման, ինքնագիտակցման, կամքի ամրացման և էությանս ավելի մոտենալու անգնահատելի փորձ եմ ձեռք բերել, ինչի համար այնքան շնորհակալ եմ Թեոդոր Հունդհամերին և Eurythmy4you ամբողջ թիմին։

             Հետագայում համաձայնեցի օգնել Eurythmy4you֊ի կողմից կազմակերպվող օնլայն ABSR դասընթացի անգլերեն֊իսպաներեն֊գերմաներեն խմբերի դասընթացներին։  Դրանից հետո մտահղացում առաջացավ  կազմակերպել սերտիֆիկացման դասընթաց, որի նպատակն էր աշխարհի ամենատարբեր լեզուներով խոսող մարդկանց հնարավորություն տալ մասնակցել ABSR դասընթացին, քանի որ այն իսկապես օգնում էր հարյուրավոր մարդկանց ավելի գիտակցված, հավասարակշռված և ներդաշնակ դուրս գալ   ցանկացած սթրեսային իրավիճակից։

            Սերտիֆիկացման դասընթացի ընթացքում որոշեցի զուգահեռաբար Հայաստանում ձևավորել առաջին փորձարարական խումբը և առկա տարբերակով անց կացնել  ABSR փորձնական  դասընթացն ամբողջովին անվճար հիմունքներով։ Մեծ հաջողությամբ փոքր խմբի հետ անցանք մեծ ու հետաքրքիր ճանապարհ։ Մասնակիցների խիստ դրական արձագանքները  շատ տպավորիչ և ոգևորող էին։ Ահա դրանցից որոշները․

  • Eurythmy4you

    “Էվռիթմիայի մասին ոչինչ չգիտեի, երբ միացա ABSR դասընթացի փորձարարական խմբին։ Այն բոլորովին թաքնված, սակայն միևնույն ժամանակ այնքան բացահայտ է մարդու համար։ Միայն թե կարողանայինք ինքնադիտարկումը, ինքնավերահսկողությունն ու ինքնագիտակցումը մեր մեջ արթուն պահել նաև դասընթացից հետո։ Ես, ամեն դեպքում, շատ մեծ հույս ունեմ որ այն, ինչ շոշափեցի այս շաբաթների ընթացքում, կմնա ինձ հետ դեռ երկար տարիներ։ ”

  • Eurythmy4you

    “ABSR դասընթացը բեկումնային էր իմ կյանքում։ Առաջին իսկ օրվանից այն կարծես դարման լիներ հոգուս համար։ Դրական էներգիան, որ բխում էր ամեն տեղից, ինձ ներդաշնակության և հանգստության էր բերում։ Ինքնաճանաչման և ինքնաբացահայտման շաբաթներ էին դրանք, որոնք երբեք չեմ մոռանա։ Վարժությունները ներկայացվում էին շատ զգուշորեն և աստիճանաբար, ամեն պահի զգում էի, որ դասընթացավարը մեծ սիրով և հոգածությամբ է լցված մեզ՝ խմբի անդամներիս հանդեպ։ Աննախադեպ փորձ էր իմ կյանքում։”

  • Eurythmy4you

    “ ABSR դասընթան ինձ թույլ տվեց դիտարկել ինքս ինձ այնպիսի կողմերից, որ երբևէ չէի արել․ օրինակ տեսնել ինձ անսահման փոքր այս տիեզերքում, միևնույն ժամանակ անսահման մեծ, դիտարկել ինձ դրսից, ներսից, զգալ մարմնի առանձին հատվածների աշխատանքը և գիտակցել դրանց կատարելությունը։ Մտքով և գիտակցությամբ կապվեցի անցյալին, ապագային, փորձեցի հասկանալ՝ ինչ է ներկան։ Շոշափել աներևույթ աշխարհը, իր պրոցեսներով և օրենքներով, զգալ դա ֆիզիկապես։ Անչափ շնորհակալ եմ այս փորձի համար։”